Prezadas compañeiras e prezados compañeiros do Partido Comunista de Galicia,
Desde a Asociación de Amizade Galego-Cubana Francisco Villamil queremos facer chegar a toda militancia do Partido Comunista de Galicia un afectuoso saúdo antiimperialista e revolucionario e agradecervos o convite para acompañarvos na Clausura do voso 15º Congreso.
Sabemos que poderemos contar no futuro coa xenerosa militancia do PCG que, desde a fundación da nosa Asociación, hai xa 39 anos, participou incontábeis veces nas accións e manifestacións de solidariedade coa Revolución cubana e contra o infame bloqueo norteameicano á Illa da Liberdade.
Convidámosvos a erguer xuntos un poderoso muro de solidariedade internacionalista para liberar o mundo da bota de ferro do imperialismo e a reforzar na Galiza as fileiras da solidariedade coa Cuba socialista.
Viva Cuba socialista!!
Vigo, 25 de novembro de 2022.
Directiva da Asociación de Amizade Galego-Cubana Francisco Villamil